+7 (777) 001 44 99
Қазақша
Русский
English
Шымкентте жедел-іздестіру шаралары нәтижесінде тәртіп сақшылары 17 пәтер ұрлығына қатысы бар екі күдіктіні ұстады, - деп хабарлайды Polisia.kz.
Портал мәліметінше, барлық жағдайда да күдіктілер бірдей әрекет еткен. Олар көбіне домофондары дұрыс істемейтін көпқабатты үйлерде ұрлық жасаған. Пәтер есігін қағып, үйде адамның бар-жоғын тексерген. Ешкім жауап бермеген жағдайда, есікті кілт таңдау арқылы ашқан. Үйдегі компьютер, телефон, ноутбук, құлаққап, әшекей бұйымдарды ұрлап еткен.
"Бұл дерек Қылмыстық кодекстің 188-бабының 3-бөлігі бойынша соталды тергеп-тексерудің бірыңғай тізіліміне тіркелді. Іс бойынша жүргізілген жедел іс-шаралар нәтижесінде екі күдікті анықталып, ұсталды. Оларға қатысты "күзетпен ұстау" түріндегі бұлтартпау шарасы таңдалды. Бүгінде қылмыстық іс прокуратураға жолданды", - деді тергеуші Әлібек Кемелбек.
Екі күдікті бұған дейін де ұрлық үшін сотталған. Түрмеде танысып, бостандыққа шыққан соң істерін жалғастырған. Олар жасаған қылмыстарын мойындады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
