Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Шымкентте 4 жасар қыздың өліміне күдікті бала күтуші әйелге қатысты тағы бір қылмыстық іс қозғалды

24 Ақпан 2015, 09:59
0
Қыздың өліміне күдікті бала күтуші әйел. ©tv7.kz
Қыздың өліміне күдікті бала күтуші әйел. ©tv7.kz

Шымкентте төрт жасар қызды ұрып өлтірген бала күтуші әйелге қатысты тағы бір қылмыстық іс қозғалды. Ол қаза болған қыздың екі жасар інісін жәбірлегені үшін жазаланатын болады, - деп хабарлайды "Жетінші арна".

"Кішкентай Ерасылға дене зақымын келтіргені үшін прокуратура ҚР Қылмыстық кодексінің 110-бабы 2-бөлігі - "Қинау" бойынша қылмыстық іс қозғады, ол бапта жеті жылға дейін бас бостандығынан айыру жазасы қарастырылған. Бүгінгі таңда қылмыстық іске қатысты өндіріс аяқталды", - деп хабарлады Шымкенттің Абай аудандық прокурорының орынбасары Ермек Әйтімов. Барлық материалдар ювеналды сотқа жіберілді.

Облыстық балалар ауруханасының жан сақтау бөліміне төрт жасар Аяжан мен оның інісі Ерасылдың түскені бұған дейін хабарланған болатын. Оларды бала бағушы әйелдің ұрғаны белгілі болды. Қыз баланы аман алып қалу мүмкін болмады, ол бас миының жарақатынан көз жұмды. "Балалардың анасы Жайна оның балаларын қарау туралы Гүлшехра есімді әйелмен ауызша келіскен. Ол бала бағушы әйелдің қызметіне 70 мың теңге төлеуге уәде беріпті. Балалардың анасы басқа ауылда жұмыс істеп, балаларын Шымкентте қалдырған. Гүлшехра есімді әйел балалардың денесіндегі зақым анықталған кезде, өзінің әрекетін балалардың оның ашуына тигенімен түсіндірді", - деді Ермек Әйтімов.

Бала бағушы әйел уақытша ұстау изоляторында отыр. Бұған дейін оның үстінен "Ауыр дене жарақатын салу" бабы бойынша қылмыстық іс қозғалған болатын.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай