Шымкентте атыс шығарды делінген 25 жастағы ер адам ұсталды

10 Қаңтар 2017, 12:33
0
Шымкентте атыс шығарды делінген 25 жастағы ер адам ұсталды -

Шымкентте салдарынан жігіт қаза тапқан атысқа қатысы бар делінген ер адам ұсталды, - деп хабарлайды Tengrinews.kz тілшісі әл-Фараби аудандық прокуратураға сілтеме жасап.

Тексеру органдағылардың айтуынша, осы іс бойынша 25 жастағы ер адам ұсталды. "Қазіргі уақытта күдікті Шымкент қалалық Бас ішкі істер басқармасының уақытша ұстау изоляторына қамалды. Сотқа дейінгі тергеу жұмыстары жүргізіліп жатыр", - деді прокуратура өкілдері.

Айта кетейік, бұл оқиға 9 қаңтарда таңғы сағат 5-те "Кен баба" саябағының маңында болған. "Оқиға орнын тексеру барысында оқ жарақатын алған мәйіт табылды. Бұл дерек "Адам өлтіру" бабы бойынша бірыңғай тергеу реестріне тіркелді", - деді органдағылар. 

Полицейлердің айтуынша, сол маңдағы дәмханалардың бірінде бір топ ер адамдардың арасында жанжал шығып, ол төбелеске ұласқан. Содан олардың біреуі оқ атып, оқиға орнынан жасырынған.

Заттай дәлелдер тәркіленді. Бірқатар сараптама тағайындалды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай