Шымкентте қылмыстық істер жөніндегі мамандандырылған ауданаралық сотта тапсырыспен жасалған қылмысқа қатысты іс аяқталды, - деп хабарлайды Tengrinews.kz тілшісі.
25 ақпанда қылмыстық істер жөніндегі мамандандырылған ауданаралық сот Қалдыбаев пен Биходжаевқа қатысты үкім шығарды.
"Сот үкімі бойынша Қалдыбаев ҚР Қылмыстық кодексінің 99-бабының 2-бөлігі, 28-баптың 3-бөлігі бойынша айыпты деп танылып, 15 жылға сотталды. Биходжаев ҚР Қылмыстық кодексінің 99-бабының 2-бөлігі, 287-бабының 3-бөлігі бойынша айыпты деп танылып, 17 жыл 6 айға бас бостандығынан айырылды", - деп хабарлады соттағылар.
Сот мәліметінше, олар жазасын қылмыстық атқару жүйесінің максимал қауіпсіздік деңгейіндегі мекемесінде өтейді.
