+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Тәртіп сақшылары Шымкент қаласында 43 жастағы ер азаматты 2 келіден астам апиын шикізатымен ұстады, - деп хабарлайды Tengrinews.kz тілшісі ОҚО ІІД баспасөз қызметіне сілтеме жасап.
Тәртіп сақшылары Шымкент қаласында 43 жастағы ер азаматты 2 келіден астам апиын шикізатымен ұстады, - деп хабарлайды Tengrinews.kz тілшісі ОҚО ІІД баспасөз қызметіне сілтеме жасап.
Оқиға 3 сәуірде болды. Оңтүстік Қазақстан облысы Ішкі істер департаменті Есірткі бизнесіне қарсы күрес басқармасының қызметкерлері жедел тексеру барысында Шымкент қаласының Темірлан тас жолында "Nexia" маркалы автокөлікті басқарып келе жатқан 1972 жылы туылған жергілікті тұрғынды тоқтатады. Көлікті тексеру барысында полиция қызметкерлері автокөлік орындығының астынан полиэтилен пакетімен бес орамадағы есірткі затына ұқсас "апиын" тапты.
"Сот-криминалистикалық сараптаманың қорытындысына сәйкес, тәркіленген заттың жалпы салмағы 2 келі астам апиын шикізаты екені анықталды. Белгілі болғандай, 43 жастағы күдікті есірткі затын өткізу орнына апара жатқан", - делінген баспасөз хабарламасында.
Тәртіп сақшыларының айтуынша, аталған жайтқа байланысты ҚР ҚК 297-бабы, 3-бөлігі (есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) бойынша қылмыстық іс қозғалды. Күдікті қамауға алынды. Тергеу амалдары жүргізіліп жатыр.
