+7 (777) 001 44 99
Қазақша
Русский
English
11 қаңтарда Шымкентте пышақ жарақаттары салдарынан 21 жастағы қыз қаза тапты. Бұл деректі полиция растады, - деп хабарлайды Tengrinews.kz тілшісі.
Полиция адам өлтірді деген күдіктінің жеке басы анықталғанын мәлімдеді.
"Полиция адам өлтіру дерегі бойынша қылмыстық іс қозғады. Күдіктінің жеке басы анықталды. Алдын ала мәлімет бойынша, ол жәбірленушімен бұрын таныс болған. Қазіргі уақытта оны ұстауға және қылмыстық жауапкершілікке тартуға бағытталған барлық қажетті жедел-іздестіру шаралары жүргізіліп жатыр", - делінген Шымкент Полиция департаменті хабарламасында.
Otyrar.kz таратқан видеоға қарағанда полицейлерде бейнебақылау камераларынан алынған жазба бар және қылмыс, болжам бойынша, көшеде жасалған.
Полиция оқиғаның мән-жайын толығырақ жарияламады. Бұған Қазақстанның Қылмыстық-процестік кодексінің 201-бабы негіз болған, онда тергеу мүддесі үшін мәліметтерді жарияламау қарастырылған.
Полиция азаматтарды расталмаған ақпаратты таратудан бас тартуға және тек ресми дереккөздерге сенуге шақырды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
