+7 (777) 001 44 99
Қазақша
Русский
English
ШҚО-да 14 жастағы қыздың өліміне қатысы бар деген күдіктінің тергеу барысында басқа да қылмыстарға қатысының бар-жоқтығы анықталады, - деп хабарлайды Tengrinews.kz тілшісі.
Полицейлердің мәліметінше, олар күдіктінің осыған дейін Семейде жасаған қылмыстары бойынша ұсталуының арқасында оның Шар қаласы Жарма ауданындағы 14 жастағы қыздың өліміне қатысын анықтай алды.
"Ол осыған дейін басқа да қылмыстарға қатысты ұсталған болатын. Оның бұл қылмысқа да қатысы бар екені белгілі болды. Бұл дәлелденді", - деп хабарлады ШҚО ІІД.
Күдіктіні ұстау туралы ақпарат берілген жоқ. Әзірше күдіктінің тек тергеу изоляторына қамалғаны туралы белгілі.
Еске салайық, 14 жастағы Айым Ұлтомбаева 2015 жылдың 12 қыркүйегінде жоғалған болатын. Туыстарының айтуынша, ол таңертең үйден шығып, қайтып оралмаған. Қызды сегіз ай бойы полицейлер, құтқарушылар және еріктілер іздеген. Іздеу жұмыстарына 500-ден аса адам қатысқан. Кейінірек полицейлер өлімнің себебін анықтай бастады. Оқушының мәйітін 12 мамырда кешкі уақытта өтіп бара жатқан адам тауып алған, ол қоқыс астында жатқан. Полицейлер қыздың өлімін растады.
