Атырау облысының қылмыстық істер жөніндегі мамандандырылған ауданаралық сотында бұрынғы әйелінің туыстарын өлтірді деп айыпталған Сұлтан Сәрсемалиевке қатысты атышулы іс бойынша үкім шықты, - деп хабарлайды Tengrinews.kz.
Судья Зарема Хамидуллина Сұлтан Сәрсемалиевті бүтін бір отбасыны өлтіргені үшін кінәлі деп таныды. Оған өмір бойына бас бостандығынан айыру жазасы кесілді.
"Жасалған қылмыстардың жиынтығы бойынша және Қазақстан Республикасы Қылмыстық кодексінің 58-бабы 4-бөлігіне сәйкес, Сұлтан Сәрсемәлиев өмір бойына бас бостандығынан айырылды", - деп үкімді оқыды судья Зарема Хамидуллина.
Сурет: Tengrinews.kz
Сондай-ақ, сот сотталған ер адам жазасын төтенше қауіпсіздік мекемесінде өтейтіні туралы шешім шығарды.
"Жаза мерзімі үкім заңды күшіне енген күннен бастап есептеледі. 2026 жылғы 8 наурыздан үкім күшіне енгенге дейін қамауда болған уақыт жаза мерзіміне есептеледі", - деді судья.
Сурет: Tengrinews.kz
Айта кетейік, бұған дейін сотта Сұлтан Сәрсемалиевке төрт адамды ерекше қатігездікпен өлтірді деген айып тағылған болатын. Тергеу нұсқасы бойынша, ол құрбандарына 60-қа жуық пышақ жарақатын салған.
Сәрсемалиевтің бұрынғы жұбайының әпкесі Мейрамгүл Қарабалинаға 32 рет, ағасы Наурыз Мұқанғалиевке - 10, отбасының отағасы Мақсот Қарабалинге - 9 рет, ал анасы Нәсіп Өтешқалиеваға - 8 рет пышақ салған.
9 шілдеде сотта тараптардың жарыссөзі өтіп, сол кезде прокурорлар айыпталушыға қауіпсіздігі барынша жоғары мекемеде өмір бойына бас бостандығынан айыру жазасын сұраған болатын.
Соттағы соңғы сөзінде Сәрсемалиев кез келген жазаға дайын екенін мәлімдеді. Дегенмен, ол ауыр қылмыстың пайдакүнемдік ниетпен жасалғаны туралы айыптау тұжырымымен келіспейтінін айтты.
"Тазару үшін Меккеге бардым". Сотта Сұлтан Сәрсемалиевтің қанды қылмыстан кейінгі бағыты айтылды
Сұлтан Сәрсемалиев - Атырау облысында қаралып жатқан атышулы қылмыстық істер бірінің фигуранты.
Тергеу мәліметінше, бірінші кісі өлтіру оқиғасы 2025 жылдың мамырын болған, содан кейін айыпталушы қылмыс іздерін жасырып, қаза тапқандардың мүлкін иемденуге тырысқан.
Әрі қарай, іс материалдарында көрсетілгендей, ол айналасындағыларды адастыру және жағдайды олардың атынан басқаруды жалғастыру үшін құрбандардың телефондары мен банктік деректерін пайдаланған. Тергеу нұсқасы бойынша, кейбір эпизодтар қаза тапқандардың мәйіттерін жасырумен, сондай-ақ елден қашу әрекетімен байланысты. Айта кетейік, ұзақ уақыт бойы қаза тапқан отбасы хабар-ошарсыз кеткендер тізімінде болға
Фото: Атырау облыстық ПД
Еске сала кетейік, сотталушының жұбайы Ақбаян Мұқанғалиеваның отбасы мүшелерінің қазасына қатысы жоқтығына байланысты оған қатысты қылмыстық қудалау тоқтатылған болатын. Психиатриялық сараптама нәтижелері бойынша әйел серпінді бақылау мен дифференциалды диагностикаға мұқтаж. Бұған дейін ол күйеуімен бірге халықаралық іздеуде болып, Индонезиядан экстрадицияланған еді.
Айта кетейік, бұл атышулы істі бұған дейін Яна Легкодимованың өліміне қатысты резонанстық іс бойынша үкім шығарған судья Зарема Хамидуллина қарады. Ол іс бойынша екі айыпталушы өмір бойына бас бостандығынан айырылған болатын.