1. Басты
  2. Біл
  3. Оқиға
  4. Қылмыс

Таразда ер адам бақшасында 60 келі марихуана өсірген11 қыркүйек 2020, 13:52

© nebolet.com © nebolet.com

Тараз тұрғыны өз бақшасында марихуана өсірген, - деп хабарлайды Polisia.kz.

1 қыркүйекте "Қарасора-2020" республикалық жедел-алдын алу іс-шарасын өткізу барысында Жамбыл облысының Полиция департаменті Есірткі бизнесіне қарсы іс-қимыл басқармасының қызметкерлері Тараз қаласының 60 жастағы тұрғынын ұстады. Оның жеке меншік үйінің бақшасына өсірген жалпы салмағы 60 келі марихуана есірткі заты табылып тәркіленді.

"Ұсталған ер адам кінәсін мойындады. Қазіргі таңда ҚР Қылмыстық кодексінің 300-бабының 1-бөлігі бойынша сотқа дейінгі тергеу амалдары жүргізіліп жатыр. Жамбыл облысының Полиция департаменті тұрғындарға тыйым салынған қарасора, көкнәр немесе құрамында есірткі заттары бар басқа да өсімдіктерді өсіргені үшін үш жылдан сегіз жылға дейінгі мерзімге бас бостандығынан айыру жазасы қарастырылатынын ескертеді", - делінген хабарламада.

Қазақстан жаңалықтары. Соңғы жаңалықтар. Telegram желісінде бізге жазыл!