09 ақпан 2022 | 09:46

Таразда полицейлер бір аптада ұрланған 15 қаруды тәркіледі

Гүлнара Досымшалова Корреспондент

Тараз полицейлері Ұлттық ұлан жасақтарымен бірлесіп қаңтардағы тәртіпсіздіктер кезінде ұрланған 15 қаруды тәркіледі, - деп хабарлайды Tengrinews.kz тілшісі Polisia.kz сайтына сілтеме жасап.

Тараз полицейлері Ұлттық ұлан жасақтарымен бірлесіп қаңтардағы тәртіпсіздіктер кезінде ұрланған 15 қаруды тәркіледі, - деп хабарлайды Tengrinews.kz тілшісі Polisia.kz сайтына сілтеме жасап.

Таразда соңғы аптада 15 қару мен 1000-ға жуық патрон табылды. Қалалық полиция басқармасының қызметкерлері мен Ұлттық ұлан әскерилерінен жоғалған атыс қаруларын табуға бірнеше жасақ құрылған. Қараусыз қалған нысандар, жертөлелер мен шатырлар түгел тексеріліп жатыр. Қылмыскерлер ұрланған қаруды тіпті қала аумағындағы зираттарға жасырып қойған. Сондықтан оларды табуға полиция қызметкерлеріне иіс сезгіш иттер көмектесті.

Бір аптаның ішінде 3 Калашников автоматы, 6 дана аңшы мылтығы, 3 Макаров тапаншасы мен травматикалық қару және түрлі калибрдегі 1000-ға жуық оқ-дәрі тәркіленді. Қазір қару-жарақтың бәрі сот-баллистикалық сараптамаға жіберілді.