Тараздық әйел өзін ұрлады деп хабар беріп, күйеуінен 3 миллион теңге талап еткен

05 Қазан 2017, 12:20
0
Тараздық әйел өзін ұрлады деп хабар беріп, күйеуінен 3 миллион теңге талап еткен - © minsk.questme.ru
© minsk.questme.ru

Тараз қаласындағы қонақ үйлердің бірінде ОҚО полицейлері "өзін-өзі ұрлап", күйеуінен ақша талап еткен әйелді ұстады, - деп хабарлайды Tengrinews.kz тілшісі ОҚО ІІД мемлекеттік тіл және ақпарат басқармасына сілтеме жасап. 

Кентау қаласының полициясына 39 жастағы жергілікті тұрғын келіп, әйелінің ұрланғанын айтқан. Оның айтуынша, ұялы телефонына белгісіз біреулер бірнеше смс-хабарлама жіберген, онда "қаскөйлер" 3 миллион теңге талап еткен, ақшаны бермеген жағдайда әйелді өлтіреміз деп қорқытқан. 

"Осы дерекке қатысты ҚР Қылмыстық кодексінің "Бас бостандығынан заңсыз айыру" және "Қорқытып алу" баптары бойынша біріңғай реестрге тіркелді. Шара барысында полицейлер жедел тобы Тараз қаласының бір қонақ үйінен тапқан. Ары қарай кентаулық полицейлер әйел адамның ұрлықты өзі жасағанын анықтады", - деді басқарма өкілдері. 

Осыған орай, іс "Көрiнеу кiнәсiз адамды қылмыстық жауаптылыққа тарту" бабына ауыстырылды. 

"Әйел адамның бұл қадамға қарыздарынан құтылу үшін барғаны анықталды. Ол қаржы пирамидасын құрып, өз таныстарынан ақша алып жаратып тастаған. Бірнеше уақыт өткеннен кейін таныстары ақшасын қайтаруды талап еткен. Ақшаны қайтару үшін ол өзін ұрлап, күйеуінен ақша бопсалауды ойластырған", - деді ОҚО ІІД мемлекеттік тіл және ақпарат басқармасының өкілдері. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай