1. Басты
  2. Біл
  3. Оқиға
  4. Қылмыс

Тараздық тұрғынның көлігінен 18 келі марихуана анықталды04 қыркүйек 2020, 09:08

Тараздық тұрғынның көлігінен 18 келі марихуана табылды, - деп хабарлайды Polisia.kz.

Портал мәліметінше, 30 тамызда полиция қызметкерлері Audi маркалы көлікті тоқтатқан. Жүргізушіден бөлек көлікте тағы үш жолаушы болған. Қасында үлкен сөмке тұрған жолаушылардың бірінің әрекеті полицейлердің назарын аударған. Тексеріс барысында сөмкеден есірткі заты табылған, ал сараптамадан кейін оның 18,7 келі марихуана екені анықталған.  

Жолаушы - Тараздың 51 жастағы тұрғыны. Ол есірткі заты барын мойындаған. Күдікті ұсталып, Тараздағы уақытша тергеу изоляторына қамалды. 

Аталған дерек бойынша ҚР Қылмыстық кодексінің 106-бабының 3-бөлігі бойынша сотқа дейінгі тергеу жұмыстары басталды. 

Қазақстан жаңалықтары. Соңғы жаңалықтар. Telegram желісінде бізге жазыл!