+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
ТМД елдері іздеу жариялаған қылмыскерлер Алматы облысында ұсталды, - деп хабарлайды Tengrinews.kz тілшісі облыстық полиция департаментінің баспасөз қызметіне сілтеме жасап.
ТМД елдері іздеу жариялаған қылмыскерлер Алматы облысында ұсталды, - деп хабарлайды Tengrinews.kz тілшісі облыстық полиция департаментінің баспасөз қызметіне сілтеме жасап.
Полициядағылардың мәліметінше, олар екі күн ішінде отызға жуық қылмыс жасағандарды ұстаған. Оның 8-і - Ресей, Әзербайжан, Өзбекстан және Башқұрт елдері халықаралық іздеу жариялаған қылмыскерлер.
"Облысымызда "Іздестіру" жедел алдын алу іс-шарасы жалғасуда. Іс-шара барысында полицейлер қылмыстық жауапкершіліктен жалтарған 28 адамды ұстады. Із-түзсіз жоғалған сегіз адамның мекенжайы анықталып, бұған дейін жасалған 19 қылмыс ашылды. Сондай-ақ, осы кезге дейін тұлғасы анықталмаған 3 мәйіттің жеке мәліметтері анықталды", - деп хабарлады баспасөз қызметіндегілер.
Ведомствоның мәліметінше, көрші мемлекеттерде қылмыстық әрекет жасады деген күдікпен іздеу жарияланған 8 адам ұсталды.
"Қарасай ауданында Өзбекстан Республикасы мемлекетаралық іздеу жариялаған төрт адам ұсталды. Талғар және Іле аудандарында Ресейлік әріптестер іздеп жатқан екі адам ұсталды. Талғарда Башқұрт елі іздеу жариялаған бір адамның мекенжайы анықталса, Текеліде Әзірбайжан мемлекетінде қылмыс жасап, жасырынған 33 жастағы ер адам ұсталып, қамауға алынды",- деді ведомство өкілдері.
