+7 (777) 001 44 99
Қазақша
Русский
English
Шымкентте ер адам әйелді пышақтап өлтірді. Қылмыс қаланың қақ ортасында болған, - деп хабарлайды Tengrinews.kz тілшісі КТК сюжетіне сілтеме жасап.
Телеарна мәліметінше, 41 жастағы әйел алған жарақатынан оқиға орнында қаза тапқан. Күдіктінің айтуынша, мұндай жауыздыққа баруына марқұмның түр-әлпеті ұнамағаны себеп болыпты. Ол мұнымен қоймай, полицияға да қарсылық көрсеткен. Сол себепті тәртіп сақшылары оны ұстағанда қару қолдануға мәжбүр болған.
Күдікті жараланып, дереу ауруханаға жеткізілген. Бұған дейін де сотты болған күдіктіге "Адам өлтіру" бабымен қылмыстық іс қозғалып, тергеу жүріп жатыр.
"Күдікті медициналық мекемеге жеткізілді және полицияның күзетінде. Оқиғаның барлық мән-жайын анықтауға бағытталған қажетті тергеу жүргізіліп жатыр", - деді Шымкент ПД бастығының міндетін атқарушы Арман Бейсенбаев.
Айта кетейік, бұған дейін Шымкентте полиция әйелді өлтірді деген күдікпен ер адамды ұстағаны хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
