+7 (777) 001 44 99
Қазақша
Русский
English
Нұр-Сұлтанда тұрғындардың атына заңсыз онлайн-кредит рәсімдеген 40 жастағы ер адам ұсталды, - деп хабарлайды Tengrinews.kz тілшісі қалалық полиция департаментінің баспасөз қызметіне сілтеме жасап.
Тәртіп сақшылары алаяқ қаржы ұйымдарының менеджерлерін алдап, олардан астаналықтардың жеке деректерін алып, тұрғындардың атына онлайн-кредит рәсімдегенін айтады. Ол дербес деректерді пайдаланып, жәбірленушілердің есептік жазбасына кіруге мүмкіндік алған. Кейін кредит алып, ақшаны виртуалды карта немесе электронды әмияндар арқылы алған.
"Осылайша, күдікті тұрғындардың атына онлайн-кредит рәсімдеген. Бүгінде алаяқтың әрекетінен 50-ге жуық адамның зардап шеккені анықталды. Тергеу барысында полиция қызметкерлері күдіктінің IP-мекенжайын анықтап, оны ұстады", - делінген хабарламада.
40 жастағы ер адам уақытша тергеу изоляторына қамалған. Оның үстінен ҚР Қылмыстық кодексінің 190-бабы (Ақпараттық жүйенің пайдаланушысына қатысты жасалған алаяқтық") бойынша қылмыстық іс қозғалды.
"Күдікті бірнеше рет алаяқтық үшін сотталды. Соңғы рет ол осыдан 2 жыл бұрын ұсталып, сот оны 2 жылға бас бостандығынан айырған", - делінген хабарламада.
Қазақстан жаңалықтары. Соңғы жаңалықтар. Telegram желісінде бізге жазыл!
