+7 (777) 001 44 99
Қазақша
Русский
English
Түркістан облысының полицейлері Қызыл кітапқа енген сегіз киікті өлтірген браконьерлерді ұстады, - деп хабарлайды Рolisia.kz.
Табиғатты қорғау полициясы мен "Охотзоопром" қызметкерлері далада мотоциклдермен жүрген күдікті адамдарды байқаған. Тексеру кезінде екі ер адам Қызыл кітапқа енген жануарларды заңсыз аулағаны белгілі болған.
"Браконьерлерден сегіз киік тушасы, 14 киік мүйізі және тіркелмеген аңшы мылтығы табылып, тәркіленді. Күдіктілер Созақ ауданы тұрғыны. Олар полиция бөліміне жеткізіліп, қамауға алынды. Ұсталғандарға қатысты екі бап: 339 бап "Сирек кездесетін және құрып кету қаупі төнген, сондай-ақ пайдалануға тыйым салынған өсімдіктер мен жануарлар түрлерін, олардың бөліктерін немесе дериваттарын заңсыз пайдалану" және 337 бап "Заңсыз аң аулау" бойынша сотқа дейінгі тергеу жүргізіліп жатыр", - деді Түркістан облысы ПД жергілікті полиция қызметінің бастығы Ұлықбек Мылтықов.
Бұған дейін БҚО Бөкей ордасы ауданының тұрғындарынан полицейлер жалпы сомасы екі миллиард теңгенің 800-ден аса киік мүйізін тәркілеген еді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
