+7 (777) 001 44 99
Қазақша
Русский
English
Түркістан облысында қыздарды зорлады деген күдікті балабақшада жұмыс істеген, - деп хабарлайды Tengrinews.kz тілшісі.
Кәмелетке толмаған қыздарға қатысты заңсыз әрекет жасады деген күдікті балабақшада жұмыс істейтіні расталды.
"Ол жекеменшік балабақшада күзетші болып жұмыс істеген. Оқиғадан кейін хаттама жасалып, бірден жұмыстан шығарылды", - деп хабарлады Түркістан облысы білім басқармасының баспасөз қызметі.
Ведомство кәмелетке толмаған балаларды зорлау ісі облыстық білім басқармасының бақылауында екенін хабарлады.
"Қыздың анасы аудандық полиция бөліміне хабарласқан. Білім беру саласының өкілдері және психологиялық мамандармен тікелей жұмыс жүргізіліп жатыр. Оқиға жазғы демалыс кезінде болған. Қазір тиісті сараптамалар жүргізіліп жатыр. Бүгін облыстық бала құқықтары жөніндегі уәкіл оқушылар мен ата-аналарға психологиялық-құқықтық қолдау көрсету бойынша іс-шаралар жүргізді. Осы факт бойынша Отырар ПБ Қылмыстық кодекстің 120-бабы 4-бөлігі бойынша соталды тергеу амалдарын бастады", - деп хабарлады Түркістан облысы білім басқармасының баспасөз қызметі.
Еске салайық, Отырар ауданындағы жантүршігерлік оқиға бейсенбіде белгілі болды. Балаларды зорлады деген күдікпен 33 жастағы ер адам ұсталды. Полиция тергеу құпиясын алға тартып, оның жеке мәліметтерін жария етпеді.
Түркістан облысының тұрғыны зорлаған балалар саны 15-ке жетті - адвокат
Кейінірек Түркістан облысының Полиция департаменті жәберленушілер саны 15-ке жеткені туралы ақпарат шындыққа жанаспайтынын хабарлады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
