+7 (777) 001 44 99
Қазақша
Русский
English
05 қазан 2020 | 09:44
Түркістан облысында өз балаларын аяусыз сабаған ер адам қамауға алынды
Түркістан облысында өз балаларын аяусыз сабаған ер адам қамауға алынды, - деп хабарлайды Tengrinews.kz тілшісі Түркістан облысы ПД баспасөз қызметіне сілтеме жасап.
ПОДЕЛИТЬСЯ
Түркістан облысында өз балаларын аяусыз сабаған ер адам қамауға алынды, - деп хабарлайды Tengrinews.kz тілшісі Түркістан облысы ПД баспасөз қызметіне сілтеме жасап.
Еске салайық, 4 қазанда әлеуметтік желілерге мониторинг жүргізу барысында Түркістан облысы Полиция департаментінің полицейлері белгісіз ер адамның кәмелетке толмаған баланы ұрып-соғып жатқан бейнежазбасын анықтады. Бұл дерек Қазығұрт аудандық полиция бөлімшесінде сотқа дейінгі тергеудің бірыңғай тізіліміне ҚР Қылмыстық кодексінің 110-бабы, 2-бөлігі бойынша тіркелді. Сол күні күдіктінің әйелі полиция бөліміне өзінің балаларын күйеуі ұрып-соққаны туралы арыз жазған. Полицейлер жұмыс істемейтін жергілікті тұрғынды ұстады.
Желіде баланы ұрып-соққан ер адамның видеосы тарады: күдікті ұсталды
Олар 2011 жылы үйленген. Ортақ балалары бар. Бұған дейін 2018 жылы әйел адам полицияға күйеуі ұрып-соғатыны туралы ауызша өтініш жасаған, бірақ түсініктеме беруден бас тартқан. 2019 жылдың сәуірінде ол тағы да дене жарақаттарын алғанын айтып, полицияға жүгінген. Алайда, медиация тәртібімен әкімшілік іс жүргізу оның күйеуін кешіруіне байланысты тоқтатылыпты. Сондықтан ер адам жауапкершіліктен құтылып кеткен.
Бүгінде аталған дерек бойынша сотқа дейінгі тергеу амалдары жүргізіліп жатыр. Сараптама тағайындалды. Ер адам қамауға алынды. Тергеу оқиғаның барлық мән-жайын анықтайды. Сонымен қатар, учаскелік инспекторға қатысты қызметтік тексеру басталды.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
