+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Түркістан облысында ер адам несиесін жабу үшін үш қап ешкі жүнін ұрлаған, - деп хабарлайды Tengrinews.kz тілшісі Polisia.kz сайтына сілтеме жасап.
Түркістан облысында ер адам несиесін жабу үшін үш қап ешкі жүнін ұрлаған, - деп хабарлайды Tengrinews.kz тілшісі Polisia.kz сайтына сілтеме жасап.
Бәйдібек аудандық полиция бөліміне жергілікті тұрғын арызданған. Оның айтуынша, қорасына белгісіз біреулер кіріп, үш қапқа салынып, жинаулы тұрған ешкінің жүнін ұрлап кеткен. Жәбірленушіге келтірілген шығын көлемі 75 мың теңге.
"Бұл жайтты Бәйдібек ауданының полиция қызметкерлері ҚР ҚК-нің 188-бабы ("Ұрлық") бойынша тіркеуге алды. Ұрлықты ашып, күдіктіні ұстау мақсатында Бәйдібек АПБ-ның тәжірибелі тәртіп сақшыларынан жедел-тергеу тобы құрылды. Куәлардан жауап алынды, жан-жақты іздестіру жұмыстары жүргізілді. Нәтижесінде, бір тәулік ішінде жинақталған ақпарат көздері арқылы күдіктінің жеке басы анықталды", - делінген хабарламада.
Полиция мәліметінше, ер адам Түркістан қаласынан анықталып, ПБ-ға жеткізілген. Ол жануарлар жүнін алып-сатумен айналысатын ер адам болып шықты.
"Күдікті күндізгі уақытта жәбірленушінің мал қорасында ешкім жоқтығын пайдаланып, үш қап жүнді жымқырып кеткен. Яғни, несиесін төлеу үшін ұрлық жасаған. Қазіргі уақытта күдіктіден айғақты зат ретінде қапқа салынған ешкі жүні алынып, иесіне қайтарылды", - деді полиция өкілдері.
Соталды тергеу амалдары жүргізіліп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
