11 сәуір 2023 | 09:29

Түркістан облысының тұрғынынан 5 миллион теңге бопсалағандар ұсталды

Гүлнара Досымшалова Корреспондент

Түркістан облысының полицейлері бопсалау қылмысы бойынша екі жігітті анықтады, - деп хабарлайды Tengrinews.kz тілшісі.

Түркістан облысының полицейлері бопсалау қылмысы бойынша екі жігітті анықтады, - деп хабарлайды Tengrinews.kz тілшісі.

Түркістан облысы полиция департаментіне Леңгір қаласының тұрғыны арызданды. Жәбірленушінің айтуынша, оны белгісіз біреулер пышақпен қорқытып, күш қолданып, 5 миллион теңге бопсалаған. Полицейлер аталған жайтты ҚР ҚК-нің 194-бабы 3-бөлігі "Қорқытып алу" бойынша тіркеп, күдіктілерді анықтауға кірісті.

Ақпарат бойынша қылмысты ашуға, күдіктілерді ұстауға бірден Түркістан облысы полиция департаменті Ұйымдасқан қылмысқа қарсы күрес басқармасының тәжірибелі қызметкерлері мен жедел-тергеу тобы жұмылдырылды.

Төле би ауданының аумағында жедел-іздестіру іс-шараларын жүргізген полицейлер, нәтижесінде 5 миллион теңге көлеміндегі ақшаны алып тұрған жерінен екі жігітті ұстады. Олардың біреуі бұрын сотты болған Төле би ауданының тұрғыны.