+7 (777) 001 44 99
Қазақша
Русский
English
Қазақша
Русский
English
Түркістан тұрғыны әлемге әйгілі брендтердің кір жуғыш ұнтақтарын өндіретін жерасты цехын ұйымдастырған, - деп хабарлайды Tengrinews.kz тілшісі қаржы мониторингі агенттігіне сілтеме жасап.
Ведомствоның мәліметінше, ер адам заңсыз жолмен танымал брендтердің ұнтақтарын жасаған. Оларды 2,3 және 6 килограмм қаптарға бөліп салған. Ол ведомство қызметкерлері ұйымдастырған жедел-іздестіру іс-шаралары нәтижесінде ұсталған.
"Ұнтақтарды буып-түюге және өлшеп-орауға арналған 7 жабдық, 500-ден аса ұнтақ қаптамасы, 20 килограмдық 100-ден аса ұнтақ, белгілі маркалардың атаулары бар полиэтилен қаптамалар тәркіленді. The Procter&Gamble Company компаниясына зор залал келтірілді. Ұйымдастырушыға 5,9 миллион теңге көлемінде айыппұл салынды", - деп хабарланды қаржы мониторинг агенттігінде.
"Контрафактілік тауарларды өндіру, сату - миллиард көлеміндегі айналымды қамтитын жаһандық мәселе. Бұл мемлекетке де, азаматтардың денсаулығы мен қауіпсіздігіне де айтарлықтай зиян келтіреді. Сонымен қатар, киім мен балалар ойыншықтарынан бастап тамақ пен дәрі-дәрмектерге дейін контрафактілік өнімдердің әсері бар. Қаржы мониторинг агенттігі контрафактіні өндіру және өткізу деректерімен күрес жүргізіп жатыр", - деп толықтырды ведомстводан.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
