Түрмеден қашқан қазақстандықтар әлі іздестіріліп жатыр - Қырғызстан МҰҚК

26 Маусым 2015, 13:14
0
Түрмеден қашқан қазақстандықтар әлі іздестіріліп жатыр - Қырғызстан МҰҚК - © Tengrinews.kz
© Tengrinews.kz

Қырғызстан түрмесінен қашып шыққан екі қазақстандық әлі ұсталған жоқ. Оларды қолға түсіру үшін "Ұстау" жоспары жүргізіліп жатыр, - деп хабарлайды Tengrinews.kz тілшісі. Бұл ақпаратты Қырғызстан МҰҚК баспасөз хатшысы Рахат Сүлайманов растады.

Республиканың МҰҚК мәліметінше, кей ақпарат құралдары қылмыскерлердің ұсталғаны туралы жалған ақпарат таратқан. Қазақстандықтарды іздеу шаралары жалғасып жатыр. Құқық қорғау органының қызметкерлері арнайы операция туралы кейіннен толығырақ айтып береміз деп уәде берді.

Еске сала кетейік, 25 маусымда МҰҚК қызметкерлері түрмеден қашқан екі қылмыскерді ұстауға әрекет жасады. Олар жауап ретінде қарулы қарсылық көрсетіп, кейін жасырынып қалды. Қазақстан азаматтарының кім екені анықталды. Олар 1991 жылы туылған Абхин Альберт пен 1988 жылғы Әшіров Жанболат. 2014 жылы олар "Мемлекеттік шекараны заңсыз кесіп өту" және "Жалған құжат, мемлекеттік марапат, мөртаңба, бланкты заңсыз қолдану, жасау" баптары бойынша төрт жылға бас бостандықтарынан айырылған болып шықты.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай