+7 (777) 001 44 99
Қазақша
Русский
English
Ұлттық қауіпсіздік комитетінің экс-қызметкері 8 жылға сотталды, - деп хабарлайды Tengrinews.kz тілшісі Астана қалалық сотының баспасөз қызметіне сілтеме жасап.
Соттың мәліметінше, 2017 жылдың тамыз айында ҚР ҰҚК жедел-тергеу тобының тергеушісі А.Шотай ҚР Қорғаныс министрлігінің лауазымды тұлғаларына қатысты қылмыстық істі тергеу барысында аға тергеушіден ақша алған. Ол ақшалар Министрліктегі лауазымды тұлғалардың бірінің үйін тінту кезінде анықталып, тәркіленген.
Алайда А.Шотай осы ақшалар жөнінде процессуалдық шешім қабылдамай, қызметтік бабын пайдалана отырып, ақшаны өз мүддесіне жұмсаған.
Осылайша, оның қылмыстық әрекеттерінің салдарынан ҚР ҰҚК-не 9 760 000 теңге немесе 125 900 доллар көлемінде материалдық шығын келтірілген.
Есіл ауданының №2 сотының шешімімен, А.Шотай ҚР Қылмыстық кодексінің 189-бабының 4-бөлігі 2-тармағы бойынша 8 жылға бас бостандығынан айырылды. Сондай-ақ, ол "аға лейтенант" атағынан айырылды.
Сот үкімі заңды күшіне енген жоқ.
