+7 (777) 001 44 99
Қазақша
Русский
English
Ұлттық қауіпсіздік комитеті Нұр-Сұлтанда есірткі каналын жою бойынша арнайы операция жүргізді, - деп хабарлайды Tengrinews.kz тілшісі ҰҚК баспасөз қызметі сілтеме жасап.
26 шілдеде ҰҚК Нұр-Сұлтан қаласы бойынша департаменті аса ірі көлемдегі психотроп заттарды сатуға қатысы бар күдікті елордалық тұрғынды ұстаған.
"Процестік іс-шара барысында заңсыз айналымнан 1,5 келі "мефедрон", 1,4 келі "альфа-PVP" және 659 таблетка МДМА ("экстази" ретінде белгілі) тәркіленді. Тергеу есірткіні астана орталығында жалдамалы пәтерде орап, Интернет арқылы тұрақты түрде сатылғанын анықтады", - делінген хабарламада.
Бұл дерек бойынша ҚР Қылмыстық кодексінің 297-бабы 3-бөлігі бойынша тергеу жүргізіліп жатыр. Бап бойынша 15 жылға дейінгі мерзімге бас бостандығынан айыру жазасы қарастырылған.
Сондай-ақ, Ұлттық қауіпсіздік комитеті есірткі және психотроптық заттарды заңсыз таратуға қарсы жұмыстарды жалғастырып жатқаны айтылды.
Суреттер: ҰҚК баспасөз қызметінен
Сілтемесіз жаңалық оқисыз ба? Онда Telegram желісінде парақшамызға тіркеліңіз!
