Теміртау қаласының тұрғыны терроризмді насихаттағаны үшін бас бостандығынан айырылды, - деп хабарлайды Tengrinews.kz тілшісі Ұлттық қауіпсіздік комитеті сайтына сілтеме жасап.
ҰҚК мәліметі бойынша, 21 қарашада Қарағандыдағы Қазыбек би аудандық сотының Теміртау тұрғыны Д.Ш.-ға қатысты терроризмді насихаттау дерегі бойынша айыптау үкімі күшіне енді.
Тергеу және сот айыпталушы жергілікті тұрғындар арасында, сондай-ақ әлеуметтік желілерде радикал діни идеологияны таратқанын анықтады.
"Оның кінәсі қылмыстық іс материалдарымен толық дәлелденді. Ол 7 жыл 6 айға бас бостандығынан айырылды. Айыпталушы ауыр қылмыс жасағаны үшін сотты болған", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
