+7 (777) 001 44 99
Қазақша
Русский
English
Қазақстан Республикасының Ұлттық қауіпсіздік комитеті ҚХР аумағында заңсыз табылған құрамында алтыны бар кенді контрабандасымен айналысқан ұйымдасқан қылмыстық топтың әрекетін тоқтатты, - деп хабарлайды Tengrinews.kz тілшісі комитеттің баспасөз қызметіне сілтеме жасап.
Алматы, Астана және Степногорск қалаларында жүргізілген арнайы операция кезінде арасында Қытай азаматы бар қылмыстық ұйым мүшелері құрықталды.
Алтынкөл бекетінде 106 тонна құрамында алтын бар кен тиелген екі вагон тоқтатылып, жалған құжаттар тәркіленгені хабарланып отыр.
"Алтын кендерін сақтауға арналған орындарға тінту жүргізілді. Кенді алтын барына тексеруге арналған, кішігірім зертхана анықталды. Бұл деректерге қатысты сотқа дейінгі тергеу басталды және қажетті сараптамалар жүргізіліп жатыр. Өзге ақпарат тергеу мақсатында жарияланбайды", - дейді комитет өкілдері.
ҰҚК баспасөз қызметінен
Еске салайық, Алматыда құрымында алтын бар концентраттарды кварц ретінде Қытайға жөнелтіп отырған деген күдікпен қылмыстық топ мүшелері ұсталған болатын.
