ҰҚК Шымкентте арнайы операция жүргізді: 6 адам ұсталды

Мөлдір Қалықова

ҰҚК-ның Шымкент бойынша департаменті Ұлттық ұланның арнайы бөлімшесіндегілер жергілікті бизнесмендерден ірі сомадағы ақшалай қаражатты қорқытып алумен айналысқан ұйымдасқан қылмыстық топтың 6 мүшесін ұстады, - деп хабарлайды Tengrinews.kz тілшісі комитеттің баспассз қызметіне сілтеме жасап.

ҰҚК-ның Шымкент бойынша департаменті Ұлттық ұланның арнайы бөлімшесіндегілер жергілікті бизнесмендерден ірі сомадағы ақшалай қаражатты қорқытып алумен айналысқан ұйымдасқан қылмыстық топтың 6 мүшесін ұстады, - деп хабарлайды Tengrinews.kz тілшісі комитеттің баспассз қызметіне сілтеме жасап.

Ведомство мәліметінше, қылмыстық топтың мүшелері бірқатар зорлық-зомбылық, оның ішінде атыс қаруын қолданумен қылмыстар жасады деген күдікке ілінген.

"Ұйымдасқан қылмыстық топтың негізін бұрын ауыр қылмыстар жасағаны үшін бірнеше мәрте сотталған деструктивті діни ағымды ұстанушылар құраған. Банда мүшелерін ұстау олардың кезекті кәсіпкерден күш қолданумен және оның өміріне қауіп төндірумен 10 000 АҚШ долларын қорқытып алу сәтінде жүзеге асырылды", - деп хабарлады комитеттегілер.

ҰҚК мәліметінше, бірқатар тінту жүргізіліп, ұйымдасқан қылмыстық топ мүшелерінің қару-жарақ арсеналы бар жасырын орын анықталды, 5 бірлік атыс қаруы және оларға оқ-дәрілер алынды.

Қазіргі уақытта олардың діни себептер бойынша қылмыстық құқық бұзушылықтар жасауының ықтимал фактілері тексеріліп жатыр.

© knb.gov.kz

ҰҚК Ұстау Шымкент