Вакцинация паспорттарын сату: Павлодар облысында дәрігерлер рақымшылыққа байланысты жазадан құтылды

Дина Шарипханова
Дина Шарипханова Корреспондент
viewings icon comments icon

ПОДЕЛИТЬСЯ

whatsapp button telegram button facebook button

Павлодар облысында екпе паспортын сатқан дәрігерлерге қатысты қылмыстық істер рақымшылыққа байланысты тоқтатылды, - деп хабарлайды Tengrinews.kz тілшісі.

whatsapp button telegram button facebook button
Иконка комментария блок соц сети

Павлодар облысында екпе паспортын сатқан дәрігерлерге қатысты қылмыстық істер рақымшылыққа байланысты тоқтатылды, - деп хабарлайды Tengrinews.kz тілшісі.

Павлодар облысы Полиция департаментінің баспасөз қызметі мәліметінше, Павлодарда екі емхана қызметкерлерінің вакцинация паспортын қолдан жасау дерегі былтыр шілдеде анықталған. Факт ҚР ҚК-ның 385-бабы 2-бөлігі "Көлік құралының сәйкестендіру нөмірін қолдан жасау, жою, алдын ала сөз байласу арқылы адамдар тобы жасаған көрінеу жалған сәйкестендіру нөмірі бар көлік құралын өткізу" бойынша тіркелген. Бұл бап бойынша дәрігерлерге 5000 айлық есептік көрсеткішке дейін айыппұл салу, не 1200 сағатқа дейін қоғамдық жұмыстарға тарту, не шектеу немесе бес жылға дейін бас бостандығынан айыру жазасы көзделген.

Тергеушілердің айтуынша, дәрігерлер ақылы түрде жүздеген жалған құжат жасаған. Полиция күдіктілердің арасында менеджер, дәрігер және екі медбике бар екенін айтты. Былтыр қарашада жергілікті емхананың медбикелерінің бірі жалған екпе төлқұжаттарын сатқаны үшін 160 000 теңге алғаны белгілі болды. Алайда павлодарлық дәрігерлердің ісі сотқа дейін жетпеген. Соталды тергеп-тексеру барысында медицина қызметкерлері рақымшылық жасау туралы өтініш берген.

"ҚР ҚК-нің 11-бабы 2-бөлігіне сәйкес, ҚР ҚК-нің 385-бабы 2-бөлігінде көзделген қылмыстық құқық бұзу дерегі ауырлығы орташа қылмыстарға жатады және осы заңның қолданылу аясына жатады. "Қазақстан Республикасы Тәуелсіздігінің отыз жылдығына байланысты рақымшылық жасау туралы" ҚР заңының заңды күшіне енуіне байланысты қылмыстық істер ҚР ҚІЖК 35-бабы 1-бөлігі 3-тармағы негізінде тоқтатылды", - деді ведомствоның баспасөз қызметі өкілдері.

Өңірлік ПД күдіктілер мемлекетке келтірілген шығынды толығымен өтегенін айтты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Tengrinews
Читайте также
Join Telegram Последние новости
Лого TengriNews мобильная Лого TengriLife мобильная Лого TengriSport мобильная Лого TengriAuto мобильная Иконка меню мобильная
Иконка закрытия мобильного меню
Открыть TengriNews Открыть TengriLife Открыть TengriSport Открыть TengriAuto Открыть TengriTravel Открыть TengriEdu Открыть TengriGuide

Валюта бағамы

 502.8  course up  547.58  course up  5.95  course down

 

Ауа райы

location-current
Алматы

 

Редакция Жарнама
Социальные сети
Иконка Instagram footer Иконка Telegram footer Иконка Vkontakte footer Иконка Facebook footer Иконка Twitter footer Иконка Youtube footer Иконка TikTok footer Иконка WhatsApp footer
yadro