+7 (777) 001 44 99
Қазақша
Русский
English
Алматыда осыдан бірнеше апта бұрын іс-түссіз жоғалып кеткен қыз табылды. Tengrinews.kz тілшісіне Алматы қаласының Ішкі істер департаментінің баспасөз қызметіндегілердің айтуынша, 18 жастағы қыз осы күнге дейін өзі жұмыс істеген букмекер кеңсесінде болған.
"Жоғалған қыз сенбі күні, 5 қарашада табылған. Осы уақытқа дейін ол сонда жұмыс істеп, сонда тұрған. Ол өзінің бұл әрекетін жеке басына қатысты себептеріне сілтеді", - деді Алматы қаласы ІІД-нің баспасөз қызметіндегілер.
Айта кетейік, қыз бала 17 қазанда із-түссіз жоғалып кеткен. Ол осыған дейін сол күндері айлығын алғаны белгілі болған. 20 қазанда оның туыстары құқық қорғау органдарына хабарласып, көмек сұраған.
