+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыда өртенген үйден ер адам өлі табылды, - деп хабарлайды Tengrinews.kz тілшісі Polisia.kz сайтына сілтеме жасап.
Алматыда өртенген үйден ер адам өлі табылды, - деп хабарлайды Tengrinews.kz тілшісі Polisia.kz сайтына сілтеме жасап.
Остроумова көшесіндегі үйлердің бірінде өрт шыққаны туралы хабарлама "101" пультіне кешкі сағат 21:00 шамасында түскен. Өрт сөндірілгеннен кейін бөлмелердің бірінен денесінде зорлық-зомбылық белгілері бар ер адам өлі табылды, дейді Түрксіб аудандық ПБ жанындағы полиция бөлімінің бастығы.
"Кейін ол - үйдің иесі, 38 жастағы К. есімді азамат екендігі анықталды. Бұрын жүк көлігінің жүргізушісі болып жұмыс істеген. Бірақ денсаулығына байланысты бірнеше айдан бері еш жерде жұмыс жасамаған. Сот-медициналық сараптамасының қорытындысына сәйкес, ер адамның өліміне - мойнындағы кесілген жарақат, сол жақ кеуде тұсындағы, іш және сол жақ бұғана аймағындағы пышақ жарақаттары және өртену себеп болған. Тергеу барысында 44 жастағы П. есімді азамат анықталды, ол қылмыс жасалмас бұрын жәбірленушінің үйіне қонаққа келген", - деді Түрксіб аудандық ПБ жанындағы полиция бөлімінің бастығы Мейірхан Жаңабаев.
Олар ішімдік ішкені анықталған. Кейін араларында жанжал туындап, оның барысында П. есімді азамат үй иесіне бірнеше рет пышақ жарақатын салған.
"Қылмыстың ізін жасыру үшін күдікті үйге өрт қойған. Дерек бойынша ҚР ҚК-нің 99-бабы 1-бөлігіне сәйкес қылмыстық іс қозғалды. Жауап алу кезінде ұсталған ер адам ас үй пышағын бірінші болып үй иесі алғанын, ал ол пышақты жұлып алып, оған бірнеше рет соққы жасағанын айтты. Кісі өлтірудің нақты мән-жайы тергеу барысында анықталады", - деді Жаңабаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
