Әлеуметтік желіде таңғаларлық видео танымалдылық ие болды: қарт әйел парашютпен қорықпай секіріп, еркін құлдырау кезінде еш саспастан ән шырқаған. Қазақстандық батыл кейуана 74 жаста, деп хабарлайды Tengri Life.
Бұл видео желіде бір күн бұрын ғана жарияланғанына қарамастан, кеңінен таралып, қызу талқыға түсті.
Instagram-дағы бұл жарияланымды көру
Желі қолданушыларының басым бөлігі зейнеткердің батылдығы мен бойында тасыған энергиясына тәнті болды. Көптеген адамға бұл секіру төлқұжаттағы жас мөлшері жарқын әсерлерден бас тартуға себеп емес екенін тағы бір мәрте еске салды.
Пікір қалдырушылар таңданысын жасыра алмады:
"Жасына байланысты үйде отырып қалғандар үшін нағыз мотивация", - деп жазды желі қолданушылары.
"Ол бұл дүниенің мәнін толық түсінген сияқты", - деп атап өтті пікір жазушылар.
"Тәнті болдым, апа. Міне, осылай өмір сүру керек!", - деп қосты басқалары.
"Ападан үлгі алыңыздар - өмір сүруден қорықпау керек", - делінген желідегі пікірлерде.
Дегенмен, кейбір қолданушылар бұл видеоға күмәнмен және әзілмен қарап, ролик жасанды интеллект технологияларының көмегімен жасалуы мүмкін екенін болжады.
"Бұл - ЖИ. Әженің соншалықты мықты болуы мүмкін емес", - делінген пікірлердің бірінде.
Талқылауға қарамастан, видео желіде белсенді таралып жатыр, ал "парашютші апа" көптеген қолданушыға батылдық пен өмірлік қуаттың символына айналып үлгерді.
Тағы оқыңыз: “Қазақстандық Том Хардидің” суретін бөтен компаниялар рұқсатсыз қолданған
