20 желтоқсан 2017 | 15:43

Винокуров Бельгиядағы сот жайлы: Адвокатымызбен барып, бұл мәселені шешеміз

"Астана" велокомандасының бас менеджері Александр Винокуров Vesti.kz порталына берген сұхбатында Льеж қаласында қылмыстық сот алдында жауап беретіні туралы пікір білдірді.

"Астана" велокомандасының бас менеджері Александр Винокуров Vesti.kz порталына берген сұхбатында Льеж қаласында қылмыстық сот алдында жауап беретіні туралы пікір білдірді.

Айта кетейік, екі шабандоз да мұны жоққа шығарды. Еске салайық, қазақстандық велошабандоз, 2012 жылғы Олимпиада чемпионы Александр Винокуров және 2008 жылғы Олимпиада ойындарының қола жүлдегері ресейлік велошабандоз Александр Колобнев бельгиялық Льеж қаласының қылмыстық сотында жауап береді деген мәлімет тараған еді. Сот отырысы 13 наурызда өтеді. Спортшыларға келісіп жарысқа түсті деген айып тағылды. Қылмыстық істі қозғауға басты себеп - Винокуров Колобневке 2010 жылы Льеж - Бастонь - Льеж жарысында 150 мың еуро беріп, өзінен қалуын талап еткен.

"Бұл жерде талқылайтын ештеңе де жоқ. Бельгияда сот тыңдалымы тағайындалды. Бұл мәліметті белгиялық сот таратқан да шығар. Сол себепті де Қазақстанда дау-дамай болатындай ештеңе көріп тұрғаным жоқ. Бұл жерде жаңа ештеңе жоқ. Осы мәселе жайлы мен бірнеше рет өз ұстанымымды жеткіздім. Ешқандай келісушілік болған емес, сатып алу немесе басқа бірдеңе болған жоқ. 13 наурызда адвокаттармен бірге сонда барып, осы мәселені біржола шешеміз", - деді Винокуров.

"Егер сот Винокуров пен Колобневті кінәлі деп тапқан жағдайда, олар үш жылға бас бостандығынан айырылып, 350 мың еуро айыппұл төлейді, - делінген мақалада.