+7 (777) 001 44 99
Қазақша
Русский
English
Қазақша
Русский
English
"Байқоңыр" ғарыш айлағының сөре алаңына "Союз-2.1А" зымыран тасығышы орнатылды, - деп хабарлайды РИА Новости. Ғарыш кемесі Халықаралық ғарыш станциясына қажетті жүктерді жеткізеді.
"Прогресс М-25М" көлік жүк кемесі тиелген зымыран 31-сөре алаңына орнатылды. Мұның алдында ғарыш айлағында зымыранның ұшыруға дайындығы туралы шешім қабылдаған мемлекеттік комиссияның отырысы өтті.
"Союз-2.1А" зымыран тасығышы 29 қазан күні Астана уақыты бойынша сағат 13.09-да ұшырылады. "Прогресс М-25М" кемесі Халықаралық ғарыш станциясына 2,5 тоннадан астам жүкті жеткізеді, олар - орбитаға қажетті отын компоненттері, тағам өнімдері, ғарышкерлерге арналған ауа мен су, ХҒС-ны пайдалануды қамтамасыз етуге арналған ғылыми жабдықтар, басқа да шығындар.
Бұған дейін "Байқоңыр" ғарыш айлағынан "Бриз-М" тарату блогы мен "Экспресс-АМ6" телекоммуникациялық ғарыш аппараты тиелген "Протон-М" зымыран тасығышы ұшырылған еді. Телекоммуникациялық аппарат мультисервистік қызметтер пакетін (цифрлық телерадиохабар тарату, телефония, видеоконференция байланысы, мәліметтерді жіберу, Интернетке қосылу) ұсынуға, VSAT желілерін құруға және үкіметтік-президенттік жылжымалы байланыстарды ұсынуға арналған.
