Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Ғарышкер Айымбетов Таяу Шығыста болған құмды дауылдың видеосын жариялады

10 Қыркүйек 2015, 15:03
0
© Twitter
© Twitter

Қазақстандық ғарышкер Айдын Айымбетов Twitter-дегі парақшасында Халықаралық ғарыш станциясынан түсірілген екі видеоны жариялады, - деп хабарлайды Tengrinews.kz тілшісі.

Алғашқы видеодан Батыс Азиядағы құмды дауылды көруге болады. Табиғи құбылыс екі ракурстан түсірілген. Видеодағы 9 қыркүйекте Ливан мен Сириядағы болған дауыл болуы мүмкін. Айта кетейік, дауыл екі адамның өмірін қиған болатын.

© AidynAimbetov /Twitter

Сонымен қатар, Айымбетов ХҒС-ның Жермен салыстырғанда үлкен жылдамдықпен ұшып бара жатқаны бейнеленген қысқа роликті де жүктеді. Бұған дейін ол микроблогында былай деп жазды: "Мен 1 секунда Жердегі 7,66 шақырыммен ұшып бара жатырмын. Бұл оқтың жылдамдығынан 10 есе жоғары. 402 шақырым биіктіктеміз".

© AidynAimbetov /Twitter

Еске сала кетейік, 8 қыркүйекте Айдын Айымбетов Халықаралық ғарыш станциясында өзінің әріптестерімен бірге ғарыштан поляр шұғыласын бақылаған болатын. NASA ғарышкері Скотт Келли Twitter-дегі өзінің микроблогына ғарыштағы поляр шұғыласының видеосын салды.

Айта кетейік, 2 қыркүйек күні Астана уақыты бойынша сағат 10.38-де Байқоңыр ғарыш айлағынан "Союз-ФГ" тасымалдаушы зымыраны ғарышқа ұшты. Экипажда қазақстандық ғарышкер Айдын Айымбетов, ресейлік Сергей Волков және Еуропа ғарыш агенттігінің астронавты Андреас Могенсон бар. 4 қыркүйекте "Союз ТМА-18М" кемесі Халықаралық ғарыш станциясымен түйісті. Жоспар бойынша Могенсон мен Айымбетов Жерге 12 қыркүйекте оралады.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай