Илон Маск Марсқа өлімшілерді жібереді

Илон Маск. © REUTERS

Кәсіпкер және SpaceX компаниясының негізін қалаған Илон Маск Марстың тұңғыш отарлаушыларының өлуі мүмкін екенін теріске шығармады, - деп хабарлайды Lenta.ru.

Кәсіпкер және SpaceX компаниясының негізін қалаған Илон Маск Марстың тұңғыш отарлаушыларының өлуі мүмкін екенін теріске шығармады, - деп хабарлайды Lenta.ru.

Маск адамдардың Марста қоныстануын ағылшындардың Солтүстік Американы игеруімен салыстырды. Кәсіпкер Марсты басып алуды қалайтындардың табылатынына сенімді. Себебі, ағылшын отарлары сияқты алғаш болуға ұмтылатын адамдар әрқашан табылады. Масктың айтуынша, бұл отарлау өте қауіпті болуы мүмкін.

"Бұл қауіпті, мүмкін енді адамдарға олардың өлімі туралы ескертілетін шығар. Осылайша олар Марсқа баратын жол мен осы ғаламшарда өмір сүруді қауіпсіз ете алады. Бірақ бұл сонау болашақта болуы мүмкін", - деп мәлімдеді кәсіпкер.

Айта кетейік, Маск 2018 жылы Марсқа Flying Dragon 2 зымыраны мен 2024 жылы ғаламшарға алғашқы адамды жібермекші. Аппарат жеті адамды тасымалдай алатын болады. Айта кетейік, Марсқа жету үшін 18 ай ұшу керек екен. "Мен Марсқа осы жолмен ұшуға кеңес бермес едім. Себебі, ол ұзақ уақытты алады және қайтадан Жерге оралуға мүмкіндік болмайды. Біз бұл туралы кішкентай қаріппен жазып отырмыз", - деп әзілдеді Маск. Сонымен қатар, ол егер өлетін жер іздейтін болсаңыз, онда Марс жақсы таңдау болатынын айтты.

Ғарыш Марс