+7 (777) 001 44 99
Қазақша
Русский
English
Қазақша
Русский
English
2014 жылы Қазақстанда 2 мың адам қатерлі ісікке шалдыққан, - деп хабарлайды Tengrinews.kz тілшісі ҚР Денсаулық сақтау және әлеуметтік даму министрлігінің бас онкологы Қуаныш Нұрғазиевке сілтеме жасап.
"2014 жылы қатерлі ісікке шалдығудың 2 мыңнан астам жағдайы анықталды, оның 30 пайызы аурудың алғашқы кезеңінде, 57 пайызы екінші кезеңінде анықталды. Ауру ерте анықталған сайын оны емдеу де оңайға түседі. Біздің мақсатымыз - аурудан айығып шығудың бесжылдық көрсеткішін жақсарту арқылы пациенттің өмір сапасын төмендетпей өлім-жітім көрсеткішін азайту", - деді ол Орталық коммуникациялар қызметіндегі брифингте.
Нұрғазиев 2015 жылдың 1 қаңтарындағы жағдай бойынша Қазақстандағы онкология ұйымдарында 150 436 науқас есепте тұрғанын хабарлады (2013 жылы 146 404 науқас болған). "Ауруға шалдыққан адамдар қатарының көбеюі - объективті цифр, одан қорқуға болмайды. Халықтың орташа жасының жоғары болған сайын онкология науқастарының саны да көп болады. Әлемнің барлық елінде, соның ішінде экономикасы дамыған елдерде де сондай жағдай", - деді ол.
Бүкіләлемдік денсаулық сақтау ұйымының мәліметінше, 2020 жылға қарай әлемде онкология ауруларының жаңа жағдайларының қатары 20,6 миллионға жетеді.
