+7 (777) 001 44 99
Қазақша
Русский
English
Астанада ЖРВИ мен тұмаудың алдын алу бойынша айлық өтіп жатыр, - деп хабарлайды Tengrinews.kz тілшісі елорда әкімдігінің ресми сайтына сілтеме жасап.
Әкімдіктің мәліметінше, 28 қыркүйектен бастап 28 қазанға дейін Астанада ЖРВИ, тұмау, пневмококктық инфекцияның алдын алу бойынша айлық өтеді.
"Тұтынушылардың құқықтарын қорғау департаментінің мәліметінше, 2014-2015 жылдың маусымында ЖРВИ-дің 16 985 дерегі тіркелді, соның ішінде тұмаудың 145 дерегі анықталған. Астанада тұмаудың алдын алу шаралары иммундау түрінде жүргізіліп жатыр", - делінген хабарламада.
Ресми сайттағы мәлімет бойынша, 2015-2016 жылғы маусымда тұмауға қарсы вакциналауға жергілікті бюджеттен 10 321 826 теңге бөлініп, 13 741 вакцина сатып алынған.
