+7 (777) 001 44 99
Қазақша
Русский
English
Қазақстандық психиатр Николай Негай коронавирустан қорқу адамның иммунитетін әлсірететінін айтты, - деп хабарлайды Tengrinews.kz тілшісі.
Оның айтуынша, елдегі COVID-19-ға байланысты жағдай қазақстандықтардың денсаулығына психологиялық тұрғыдан әсер еткен. Маманның пікірінше, пандемия адамдардың өмір салтын өзгерткен.
"Қоғамда жағымсыз реакциялар байқалады. Жағдайды мойындамау, агрессия, күдіктену сияқты жағымсыз реакция болады деп болжанған еді. Ең маңызды проблема бұл реакциялар инфекцияның тарауына ықпал етіп, жүйкеге кері әсерін тигізуі мүмкін", - дейді республикалық психикалық денсаулық ғылыми-практикалық орталығының бас директоры Николай Негай.
Ол стресс пен қорқынышты қалай жеңуге болатынын айтты.
"Біріншіден, стресті басқарудың арнайы әдісін қолданған жөн (мысалы, релаксация). Екіншіден, психологиялық жағдайға қатысты сұрақтарға уақытында жауап алу қажет. Үшіншіден, бұл маманнан ақыл-кеңес алу. Қазіргі жағдайда ол онлайн кеңес болуы мүмкін", - дейді психиатр.
Айта кетейік, Қазақстанда коронавирус жұқтырғандар саны 104 902-ге жетті. 93 405 науқас айықты, 1 523 адам қайтыс болды.
Қазақстан жаңалықтары. Соңғы жаңалықтар. Telegram желісінде бізге жазыл!
