+7 (777) 001 44 99
Қазақша
Русский
English
Ресейлік дәрігер әрі тележүргізуші Александр Мясников суық тию мен тұмау кезінде С дәруменін қосымша қабылдау қажеттілігі туралы айтты, - деп хабарлайды Tengrinews.kz тілшісі РИА Новостиге сілтеме жасап.
"Иә, С дәруменін іш, ішпе бәрібір – аурудың алдын алмайды деген еңбектер (ғылыми - авт.еск.) бар екенін білеміз", - деді дәрігер "Россия 1" телеарнасының эфирінде.
Дегенмен, Мясниковтың айтуынша, С дәруменінің көп дозасын қабылдаса, ауру уақытын қысқартатыны туралы ғылыми еңбектер бар.
"Дәруменді күнделікті ішуді қате дер едім. Қажет кезде қосымша қабылдауды жөн санаймын. Егер сіз суық тиіп ауырып қалсаңыз, үш-төрт күн ішіп көріңіз, еш зияны жоқ, керісінше пайдасы тиіп қалар. Бірақ бұл міндетті түрде қабылдап жүру қажет дегенім емес", - деді маман.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
