+7 (777) 001 44 99
Қазақша
Русский
English
Медицина ғылымдарының кандидаты Андрей Демин сырадан шыққан қарынды дәрігерлер не деп санайтынын, бұл ауытқудың неліктен пайда болатынын және одан қалай арылу керегін айтты, - деп хабарлайды Tengrinews.kz тілшісі Sputnik радиосына сілтеме жасап.
Деминнің сөзінше, күнделікті өмірде сырадан шығатын қарынды семіздіктің ерекше түрі деп атайды. Дәрігерлер бұл денсаулықтың бұзылуын қауіпті фактор ретінде қарастырады.
"Ғылыми тұрғыдан айтқанда, бұл семіздіктің абдоминалды түрі. Онда май негізінен бел аймағына жиналады. Бұл өте қолайсыз құбылыс, ол денсаулық пен өмірге үлкен қауіп төндіреді", – деді Демин.
Маманның пікірінше, мұндай қарын көп жағдайда әдет салдарынан болады.
"Алкогольге тәуелді ер адамдарда семіздіктің бұл түрінің пайда болуы тамақтану мәдениетінің дұрыс қалыптаспағанына байланысты, адамдар ішіп-жегенде теледидар алдында отырады. Бұл жағдайда калория жұмсалмайды және адамдар қате мінез-құлық стереотипін қалыптастырады", - деп түсіндірді Демин.
Медицина ғылымдарының кандидаты адам сыра ішкенде, былбырап қалады деп санайды. Бұл жағдайда ол қозғалғысы келмейді. Сырадан пайда болатын іштің проблемасын шешу жолы - көбікті сусыннан бас тарту. Бұл сергектікті қалпына келтіруге және тәбетті төмендетуге көмектеседі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
