+7 (777) 001 44 99
Қазақша
Русский
English
Қазақша
Русский
English
Фастфуд түрлі жастағы адамдар арасында танымал. Фастфудты жеп, адамдар өздеріне қандай қауіп төндіретінін білмейді. Ата-аналар кішкентай балаларға гамбургерлер мен фри сатып алады, кейін олар семіздік сияқты бірқатар проблемаға тап болады. Көп адам фастфуд тәуелділікке әкелетінін біледі. Жамбыл облыстық денсаулық сақтау басқармасы өкілдері dknews.kz тілшісіне фастфудтың зияны туралы айтып берді, - деп хабарлайды Tengrinews.kz тілшісі.
Фастфудтың ағзаға ешқандай пайдасы жоқ. Себебі фастфуд құрамында май көп болғандықтан, ол денсаулыққа зиян, бірқатар ауруларға әкеледі.
Балалар ата-аналарына қарағанда түрлі ауруға шалдыға бастайды. Бірінші кезекте фастфуд салмаққа әсер етеді. Жеңіл-желпі тамақтану қарынның тоқтығын сездірмейді, бірақ аз уақыт ішінде олар артық салмақ қосады. Сіз күн сайын фастфудпен тамақтансаңыз, айына кемінде бес келі артық салмақ жинай аласыз. Фастфуд денсаулыққа зиян және мұны артық салмақпен ауыратын мыңдаған америкалық растайды.
Сондай-ақ, дәрігерлер фастфудтың құрамына өнімнің дәмін келтіретін көп тағамдық қоспа кіретінін айтты. Олардың көпшілігі ағзаға теріс әсер етеді.
Фастфудты дайындағанда әрдайым май қолданылады. Термиялық өңдеуден кейін ол қатерлі ісік тудыратын канцероген элементтердің көп мөлшерін шығарады.
Дәрігерлердің айтуынша, фастфудтың барлық тағамы өте жоғары калориялы және құрамында май мен қант көп, оларда дәрумендер мен минералдар жоқ, сондықтан олар ағзаға ешқандай пайда әкелмейді. Фастфудта жануар майы көп, олар салмақты қосуға ғана емес, сонымен қатар жүрекке кері әсерін тигізеді. Жануар майы бауырға үлкен жүк түсіреді.
Сіз сэндвич, картоп және салаты қосылған қарапайым түскі асты жейтін болсаңыз, онда оның жалпы калория мөлшері 1500 калориядан асады, бұл - белсенді өмір салтын жүргізбейтін адам үшін күнделікті калория мөлшері.
Дәрігерлердің айтуынша, фастфудта "ең арзан және қауіпті май-маргарин" бар, оның артық мөлшері онкология ауруына әкеледі.
Дәрігерлер фастфуд тәбетті толығымен қанағаттандыра алмайтындығын түсіндіреді. Онда тәбетке жауап беретін пайдалы зат жоқ, бірақ ол көмірсу мен майға бай. Фастфудтың үлкен көлеміне қарамастан, адам оған тоймайды. Аз уақыттан кейін тәбет ашылып, нәтижесінде артық салмақ пайда болады. Фастфудта дене жасушаларының негізі-ақуыздар жоқ.
Мамандардың айтуынша, фастфуд адам ағзасына зиян келтіріп қана қоймай, барлық ағза мен жүйеге әсер етеді: артық салмақ пен семіздік, холестериннің жоғарылауы (атеросклероз, өттегі тас), қандағы қанттың жоғарылауы, жүрек-тамыр жүйесі аурулары, ас қорыту жүйесінің аурулары (гастрит, асқазан жарасы, бауыр және ұйқы безі аурулары бездері), кариес.
"Фастфудты дәрумендерге бай жемістермен немесе көкөністермен алмастыру әлдеқайда пайдалы. Бір алма жақсы антиоксиданттар болып табылатын С және Е дәрумендерінің жетіспеушілігін толтырады. Ал жаңғақтар ағзаны ақуыздармен байытады", - деп қорытындылады басылымда.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
