+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Лондон империялық колледжінің ғалымдары коронавирусты емдеудің жаңа әдісін тапты, - деп хабарлайды Tengrinews.kz тілшісі.
Лондон империялық колледжінің ғалымдары коронавирусты емдеудің жаңа әдісін тапты, - деп хабарлайды Tengrinews.kz тілшісі.
Зерттеу жұмысы 2020 жылдың наурызынан маусым аралығында жүргізілген. Оған коронавирустың ауыр түрімен ауырған 403 науқас қатысқан. Зерттеуге қатысушыларды ғалымдар 3 топқа бөлген. Бірінші топқа жеті күнде төрт рет гидрокортизонның 50 миллиграммі, ал екінші топқа бұл дәрі қан қысымы төмендегенде ғана берілген. Үшінші топқа бұл дәрі берілмепті.
Ғалымдар 7 күн бойы гидрокортизон қабылдаған науқастардың аурудан жазылуға мүмкіндігі 93 пайызға жоғары, екінші топта дәрінің 80 пайызға тиімді болғанын анықтаған.
"Стероидтер дәрі емес, бірақ олар нәтижелерді жақсартуға көмектеседі. Сонымен қатар, дәрі-дәрмек мәселесін шешуге септігін тигізеді", - дейді зерттеуді басқарған ғалым Энтони Гордон.
Сондай-ақ, ғалымдар СOVID-19-дың ауыр түрімен ауырған науқастарға дексаметазон мен метилпреднизолон дәрілерінің қалай әсер еткенін зерттеген.
Зерттеу барысында метилпреднизолон өлім қаупін 9 пайызға (оны 9 адамнан тұратын топ қабылдаған), ал дексаметазон өлім қаупін 36 пайызға төмендететіні (оны 1282 науқас қабылдаған) анықталған.
"Бұл нәтижелер стероидтердің COVID-19-дың ауыр түрімен ауырған науқастарды емдеуге көмектесетінін көрсетеді", - дейді ғалым Джонатан Ван-Там.
Қазақстан жаңалықтары. Соңғы жаңалықтар. Telegram желісінде бізге жазыл!
