+7 (777) 001 44 99
ПОДЕЛИТЬСЯ
Қазақстанда қызамықпен ауыратындар саны биыл 2014 жылға қарағанда 150 есеге азайды, - деп хабарлайды Тengrinews.kz тілшісі ҚР Денсаулық сақтау және әлеуметтік қорғау министрлігінің баспасөз қызметіне сілтеме жасап.
Қазақстанда қызамықпен ауыратындар саны биыл 2014 жылға қарағанда 150 есеге азайды, - деп хабарлайды Тengrinews.kz тілшісі ҚР Денсаулық сақтау және әлеуметтік қорғау министрлігінің баспасөз қызметіне сілтеме жасап.
Ведомствоның мәліметінше, 2015 жылы 7 ай ішінде Қазақстанда қызамықпен ауыру жағдайы бір рет тіркелген, ал өткен жылдың сәйкес мерзімінде 149 жағдай тіркелді. Соңғы 20 жылда қызамықпен ауыратындар саны 1300 есеге азайды.
Айта кетейік, қызамық - адамды ғана зақымдайтын вирусты сырқат. Ол ұсақ дақты бөртпе түрінде жоғарғы тыныс жолдарының қабынуымен және жеңіл уланумен сипатталады. Денсаулық сақтау және әлеуметтік қорғау министрлігі жүкті әйелдердің қызамықпен ауыруы нәрестеге індет жұқтыру қаупі мен туабітті қызамық синдромының артуына себеп болатынын хабарлады. Бұл мүгедектікке әкелуі мүмкін. "Сондықтан да егер әйел адам жүктіліктің алғашқы үш айында қызамық ауруына шалдықса, дәрігерлер жүктілікті тоқтатуға кеңес береді", - деп жазылған хабарламада. Дәрігерлер қызамықтан екпе салдыру арқылы ғана сақтануға болатынын айтты.
Қазақстанда қызамыққа қарсы иммундау 2000 жылдан басталған. Профилактикалық екпе күнтізбеге сәйкес жүргізіледі: 12 айлық балалардың егілуі, 6-7 жастаға балаларды ревакцинациялау. Бала кезінде егілмеген адамдарға екпе 25 жасқа дейін жасалады. Екпе алу вакцинация алмаған, 25 жастан асқан және жүктілікті жоспарлаған әйелдерге ұсынылады.
