Алматы қалалық №9 емхананың меңгерушісі Мадина Омарова қойдың майы коронавирусқа қалай әсер ететіні туралы айтып берді, - деп хабарлайды Tengrinews.kz тілшісі әкімдіктің StopCov Almaty телеграм-каналында.
Дәрігер Омарованың айутынша, хаттама бойынша, медициналық қызметкерлердің қабынуға қарсы май қолдануға құқығы жоқ. Сондай-ақ, маман кезінде қойдың майы барлығына ем болғанын, бірақ қазір оның орнына басқа майлардың қолданылып жатқанын айтып өтті.
"Қойдың майы - бұл халық емі, біздің ата-бабаларымыз қолданған, ал қазір мұндай дамыған заманда қабынуға қарсы түрлі кремдер мен майлар бар. Хаттама бойынша бізде майларды қолдануға кеңес берілмейді", - деді ол.
Еске салайық, бүгінде Қазақстанда коронавирус жұқтырғандардың саны 41 065-ке жетті. 188 адам қайтыс болып, 13 614 адам айықты.
Қазақстан жаңалықтары. Соңғы жаңалықтар. Telegram желісінде бізге жазыл!