+7 (777) 001 44 99
Қазақша
Русский
English
Нұр-Сұлтан тұрғындарын вакцинациялау бірінші кезектегі қауіпті топтарға вакцина егілгеннен кейін ғана басталады. Бұл туралы елорданың бас санитар дәрігері Сархат Бейсенова мәлімдеді, - деп хабарлайды Tengrinews.kz тілшісі.
Бейсенованың айтуынша, вакцинация басымдық деңгейі бойынша жүргізіледі.
"1 ақпаннан бастап медицина қызметкерлерін вакцинациялау басталды. Бүгінде Нұр-Сұлтан қаласы бойынша 2 008 медицина қызметкері екпе қабылдады. Олар жедел жәрдем, алғашқы медициналық-санитарлық көмек, жұқпалы аурулар стационарлары, жансақтау бөлімшелері, қабылдау бөлмелері, санэпидқызмет, сараптама орталығы, қала стационарлары қызметкерлері. Екінші кезеңде педагогтар мен күш құрылымдары қызметкерлері егіледі", - деп түсіндірді ол.
Оның айтуынша, сәуір айында студенттерді вакцинациялау басталады.
"Болжам бойынша, қала тұрғындарына басымдық берілген топтардың барлық контингенті қамтылғаннан кейін ғана екпе жасалады. Яғни, мамыр айында қала тұрғындарын вакцинациялауға кірісеміз", - деді Бейсенова.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
