Қазақстанда жас жұптардың 15 пайызы бедеуліктен зардап шегіп жатыр

Мөлдір Қалықова

Қазақстанда жас отбасылық жұптардың 15 пайызы бедеуліктен зардап шегіп жатыр. Статистикалық мәліметтерге қарағанда, әрбір алтыншы жұп бала көтере алмай жүр, - деп хабарлайды Tengrinews.kz тілшісі Жарбосынов атындағы урология ғылыми орталығының мамандарына сілтеме жасап.

Қазақстанда жас отбасылық жұптардың 15 пайызы бедеуліктен зардап шегіп жатыр. Статистикалық мәліметтерге қарағанда, әрбір алтыншы жұп бала көтере алмай жүр, - деп хабарлайды Tengrinews.kz тілшісі Жарбосынов атындағы урология ғылыми орталығының мамандарына сілтеме жасап.

"Жағымсыз тенденциялардың бірі - жастар арасындағы бедеулік проблемасы. Еуропадағы урологтар ассоциациясының мәліметтеріне сәйкес, отбасылық жұптардың шамамен 25 пайызы бір жыл уақыт бойы бала көтере алмайды. Олардың 15 пайызы бедеуліктен емделген жағдайда, шамамен 5 пайызы сол күйі бала көтермейді. Әрбір алтыншы жұпта осы проблема бар", - дейді Ғылыми орталықтың өкілдері.

Айтуларынша, бедеулікке жұптардың бірінің немесе екеуінің де репродуктив функциясының бұзылуы себеп болуы мүмкін.

Қазақстандық мамандардың сөзіне сүйенсек, бұрын отбасылық жұптардың арасындағы бедеулікке көбіне әйелдер себепші болып жатса, бүгінде мұндай жағдайдың 45 пайызы ерлерден деп айтуға болады. Бұл проблеманы шешу үшін кешенді жұмыс жүргізу керек: урологтармен, андрологтармен және репродуктологтармен.

Әйелдер Статистика Медицина Ерлер Денсаулық