+7 (777) 001 44 99
Қазақша
Русский
English
"Ерлер денсаулығы орталығында" 25 мың қазақстандық ер адамға жасалған скринигінің қорытындысы жарияланды, - деп хабарлайды Elorda Media.
Зерттеу кезінде ерлердің 30 пайызы белсіз екені анықталған, ал 44,2 пайызында жыныстық жолмен берілетін инфекция табылған. Сонымен қатар, зерттеуге қатысқан ерлердің 56,3 пайызында эректильді дисфункиясы бар.
"Жоғарыда аталған сырқаттарды емдеу үшін, дене тазалығын сақтап, белсенді өмір салтын ұстану қажет. Әрине темекі мен ішімдікті де азайтқан жөн", - дейді мемлекеттік сыйлықтың лауреаты, медицина ғылымдарының докторы, ҚР Денсаулық сақтау министрлігінің бас урологы Мырзакәрім Алшынбаев.
Оның сөзінше, Қазақстанда соңғы 12 жылда белсіз ерлердің саны екі есе азайған. Ал бүгінгі күні отбасылардың 16 пайызы бала сүйе алмай отыр.
"Ерлер өздеріне қарай бастады. Әр облысымызда ерлердің денсаулық орталықтары бар. Бір жылда 200 мың адам тексеруден өткен. 50-60 пайызды көрсетіп отырған эректильді дисфункция 19 пайызға дейін азайды. 32 пайыз болған белсіздік 19 пайызға азайды", - дейді Алшынбаев.
Сонымен қатар, елдің бас урологы әлемдік статистиканы да келтіре кетті.
"Ерлер алдын алу үшін де, емделу үшін де дәрігерлерге аз келеді. Осы себепті олар жүрек-қан тамыры ауруларына 2-3 есе, ал психикалық және наркологиялық дертке 1,5 есе көбірек шалдығады", - деп аяқтады ол.
