+7 (777) 001 44 99
Қазақша
Русский
English
Президент Қасым-Жомарт Тоқаев Қазақстанда коронавирусқа қарсы жаппай вакцинациялау мәселесі бойынша тараған арандатушы хабарламалар туралы айтты, - деп хабарлайды Tengrinews.kz тілшісі.
"Дағдарысты еңсерудің ең тиімді жүйелі шарасы жаппай вакцинациялау. Бұл арандатушылар айтқандай мәжбүрлі вакцинация жасалады дегенді білдірмейді. Бірақ халық вакцинация - қиын жағдайдан шығудың бірден-бір жолы екенін түсінуі керек.
Әрине, вакцинация сапалы жүзеге асу үшін барлық жағдай жасалуы ерек. Сонымен қатар, ұйымдасқан түрде жүргізілуі керек. Дайындық жұмыстарын бақылау барысында вакцина сақтауға арналған тоңазытқыш жабдықтарының жетіспейтіні анықталды. Күрделі жағдай Батыс Қазақстан, Маңғыстау және Түркістан облыстарында қалыптасқан", - деді Тоқаев Үкіметтің кеңейтілген отырысында.
Президент үкіметке әкімдермен бірлесе отырып толыққанды дайындықты қамтамасыз етуді және 1 ақпаннан бастап жаппай вакцинациялауға кірісуді тапсырды.
Сонымен қатар, Тоқаев коронавирусқа қарсы қазақстандық вакцина сәтті сынақтан өткен жағдайда вакцина салдыратынын айтты.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
