10 ақпан 2022 | 10:04

Вирусолог COVID-19 кезінде ұсақ моторика бұзылуы мүмкін екенін айтты

Гүлнара Досымшалова Корреспондент

Фото: vetdryg.ru

Вирусолог, молекулалық биолог, Мәскеу мемлекеттік университетінің жетекші ғылыми қызметкері Максим Скулачев қан тамырлары жүйесіне әсер ету салдарынан коронавируспен ауыратын науқастардың ұсақ моторикасы бұзылуы мүмкін екенін айтты, - деп хабарлайды Tengrinews.kz тілшісі РИА Новостиге сілтеме жасап.

Вирусолог, молекулалық биолог, Мәскеу мемлекеттік университетінің жетекші ғылыми қызметкері Максим Скулачев қан тамырлары жүйесіне әсер ету салдарынан коронавируспен ауыратын науқастардың ұсақ моторикасы бұзылуы мүмкін екенін айтты, - деп хабарлайды Tengrinews.kz тілшісі РИА Новостиге сілтеме жасап.

Скулачевтің айтуынша, COVID-19-да моториканың бұзылуы, ең алдымен, кішігірім неврологиялық ауру.

"Бұл мидың кішкентай тамырлары зақымданғаннан болады, бірақ көп жағдайда бұл өзгерістер қайтымды", - деп санайды маман.

Вирусолог, егер адам салауатты өмір салтын ұстанса, бұл симптомнан жеңіл өтетініне сенімді.

Орал федералды округінің бас профилактикалық дәрігері, медицина ғылымдарының докторы Сергей Токарев әріптесінің ұстанымымен келісті. Дегенмен, ол ұсақ моториканың бұзылуы орталық жүйке жүйесінің әртүрлі бөліктерінің зақымдалуымен байланысты болуы мүмкін екенін атап өтті.