Вирусолог коронавирустың екінші толқыны қашан басталатынын айтты

Медицина ғылымдарының докторы, вирусолог Виктор Зуев коронавирустың екінші толқыны басталғанын қалай білуге болатынын айтты, - деп хабарлайды РИА Новости.

Сарапшының айтуынша, SARS-CoV-2 тұмау сияқты болады, тек тыныс алу жолдарының жоғарғы бөлігінде вирус пайда болады. 

"Біз тұмаумен жылына екі рет ауыратынымызды ұмытып кеттік: көктемнің басында және күздің соңында. Күздің соңында коронавирус тұмаумен бірге қайта тарайды. Шілде, тамыз және қыркүйекте бізге коронавирустың екінші толқыны келмейді", - дейді вирусолог.
 
Оның айтуынша, коронавирустың тұмаудан ерекшелігі ол өте жұқпалы, бірақ уақыт өте келе коронавирус әлсірейді.
 
Айта кетейік, бүгінде, ДДҰ мәліметінше, әлемде  COVID-19 жұқтырғандардың саны 7,2 миллионнан асты, ал қайтыс болғандардың саны 413 мыңнан асты.

Қазақстан жаңалықтары. Соңғы жаңалықтар. Telegram желісінде бізге жазыл!